Bon man té ni envie rakonté an ti bagay ki rivé mouin mè an Créole parce que je trouve que ça fait plus stylé !!
Mouin épi deu troi kanmarad nou té ni an afè l'envie mangots !!! é ot ja sav ki manniè an ti mango bon !! ? lè sa ka fon' an bouche surtout coco bèf la !!! ( mmm'pa ten' !! )
Ban alor man décidé épi lé kanmarad la nou ké bravé la loi !! Piske an voisin ki té ni an model de manman terrain té ni an lo arbres fruitiers an lè sa !!! Lè nou rivé !! barbelé ka fè chien an lè terrain an pou moun pa entré ! Epi té ni an ti panneau ki té matché an zafè de " ne pas rentrer sous peine de poursuite !! " tchiiiiip !!
Nou koumensé ba tiré panneau la !! si panneau a pa la nou pa té o couran di la loi ou suiv ? rala !! Glissé ko nou an ba ti barbelé press raché la po fess mouin...épi nou monté pren pié nou adan pié mango a...pié mango coco bèf laaa méssié !!!! pendan nou ka tchouilli sa !!! man ja ka bavé di imaginé gou sa lè nou ké déssen man press ka pléré sa balan man té pressé déssen'...
Lè ou gadé nou fè ti cueillette nou tou bagay réyèl TINKS !!! nou paré pou déssen...ki sa nou ka ouè an ba pié mango a...youn deu bèf épi an manman taureau là ka mangé lé quelques zizines mangos a nou fè tombé a... la pè an lè nou nou poko sav ki manniè pou fè bèf la pati...Alor nou ka vréyé deu trois mangos an tch..euh an koy pou fèy pati...awa...missié a ka karé an ba i ka jiss mangé sa nou ka vréyé bay la...
Epi adan an ti momen..an loto ka garé pa koté la nou ka tchouilli mangos a...nou ka jété an zié...ki moun ki la..? propriétaire terrain a...hé ben man di zot kon sa...tou pè nou té pè bèf la...la pè disparèt sa pren la vol minm....épi nou an ni yin ki sauté an ba a épi nou pren kouri....
Lè ou gadé boug la ouè nou nou té obligé pren sa an ba lé pitchans sa ka raché toute la peau nou épi nou trassé an ba an champ kann' !!! nou pa senti ayin...nou pa pèd pièss mangos non pliss Hé ben man pé di zot lè man viré bo kay mouin tout tchou..euh ko mouin té pliché épi tout paille kann' lan té ka pitché mouin...dépi jou ta la....man té ka pren an pli bèl pié lè man té ka alé vol..euh pren lé coco bèf la...man té ka dégusté yo enko pli bien....
24 Réponses :: 
Répondre au sujet :: 
Envoyer ce sujet à un ami
:: 
Imprimer ce sujet :: 
5184 consultations :: 
Voir tous les sujets ::
( mmm'pa ten' !! )
tchiiiiip !!
rala !! Glissé ko nou an ba ti barbelé press raché la po fess mouin...épi nou monté pren pié nou adan pié mango a...pié mango coco bèf laaa 
méssié !!!! pendan nou ka tchouilli sa !!! man ja ka bavé di imaginé gou sa lè nou ké déssen man press ka pléré sa 
balan man té pressé déssen'...
