archives.volcreole.com

[Neg Lakay]

[doucine]

Mèci Neg Lakay!

[SexyJuju]

Yo Calysta, "ba" veut dire "pour" aussi. Dans quelques cas, on force son utilisation. Exemple le plus courant :
"je te parle" -> on dit plutot "Mwen ka palé ba'w" que "Mwen ka palé'w"

Voila voilouuuuu miss,

Juju

[d-jd]

Mèci Benzo .. Ou fô mem

[Benzo]

Ka sa yé ?

Mwen pwan tigouté vakans pou rafréchi lèspri-la.

Dèmen, lékòl ka rantré, litan an rantré an san a sé zélèv-la, an ké wouviré pou kozé osèwryé.

adan ondòt solèy!

Benzo

[arablack]

ouéééééééé !!
benzo rivini !!!!!
lévé zot pou Benzo !!!

[Rakoun]

awa pa ni rentré, yo di mwin ni grève

Rakoun

[Benzo]

Wép , sé moun-la ki nouvèl, an byen fè zòt atann, mé kon yo ka di
"Zandoli ka bay sa san i tini"
An sòti manjé on diri é ppwawouj épi on zaboka-boutèy, mwen anfòm kon zé.
Dabòpouyonn, an ka di dé mo kat -pawòl asi "ba" Cki té ka tòtòy lèspwi a Calysta.

Tin onlo kalté ba évè onlo sans:
On ti ba = une petite bise venant d'un enfant qui est sensé ne pas savoir faire correctement une bise; sé on bo a timoun.

Sa sé on ba a boukèt = c'est le bât d'un âne ; à ne pas confondre avec on baboukèt qui la façon de placer le mors et d'attacher la gueule d'un âne turbulent.

I té fwèt, i mèt dé ba an pyé a-y = il avait froid, il s'est mis une paire de bats.

Ba poul-la manjé = Donne à manger à la popule (ba= donne)

Yo pa palé ba-w = on ne t'a pas parlé ( on n'a pas parlé pour toi).

Fanm a-y fou-y on koul ba = Sa femme l'a mis à pied, l'a largué.

Ban-an fè on koul ba = Laisse-moi conduire (voiture)

Pour la bicyclette on dit: "ban-an fè on karé"


Bon , an ka wouvè ondòt paj padavwa ondòt sézon ka koumansé.

Nou kay ataké bèlté a kréyòl-la; tanzantan an ké palé si déotwa mo paspatou, ki adan onlo bèl ti-pawòl. Dépawfwa, an ké tchoké yonn-dé kozé (thèmes), zòt ké di sa zòt konnèt asi sa, aprésa an wouvin pou mwen pé wouvè sak-la.

Zòt paré ! Zòt dakò ! Alòs, pa dòmi! Annou ay!!!

Jòdi-la , sé bèl ti pawòl alantou a bouch. " wouvè zyé, wouvè zòrèy!"

- Manman-y ba-y bouch, sé pou sa i ka volé biten a moun.
- Sa ka di an bouch, mé sa pa ka fèt.
- Pawòl an bouch pa chaj.
- Afòs i véyé manjé-la, bouch a-y ka fè sòs!
- Gadé-y gobé, bouch a-y ka koulé sòs.
- Yo tonbé an zo a-y, sé pou sa bouch a-y maré.
- An pa'a mèt dlo an bouch an-mwen pou mwen palé!
- Gadé, kwa si bouch, pa mélé-mwen!
- Pé bouch a-w ti misyé!
- Pa tousé bouch a-w pou mwen, an pa kanmarad a-w !
- Si sa tonbé an bouch a-y, toutmoun ké sav sa!
- Bouch fann sé pou palé !
- Désann-la, ou ké fann bouch a-w.
- Bouch a manman sé gèl a kabrit.

Zòt ké chaché sa sa vlé di an fwansé, é pwochennfwa an ké ajisté sa ki kochi.

Pwochen kou nou ké travay évè "dlo", si zòt dakò, sa ki vlé, koumansé maké bèl ti-pawòl si "dlo", konsa an ké anki wouvè sak-la onfwa-onfwa.

Yé mistikrik ! Lakou pa ka dòmi?

Adan ondòt solèy.

Benzo

[::dajay::]

Fout' missié Benzo fô !

[Mans]

Benzo de retour !!! Yé mistikrak. Non la kou a pa ka domi.

Bouch fann sé pou palé : La bouche est fendue c'est pour parler. Si on a la parole c'est pour s'en servir

Dlo monté mone ?

Mans ki pa ka domi